جئنا لكم بموهبة موهوبة ومُبدعة نتشرف باسم حضرتك:
أهلًا وسهلًا بيكِ،
أنا اسمي رَبـَـابـْـ’ سَـلِـيـمْ.
_سنك:
عندي ٢٠ سنة.
_محافظتك:
من مُحافظة القاهرة.
_موهبتك:
ربنا أنعم عليا بموهبة الكتابة الحمد لله.
_ما هي أفضل أساليبك في الكتابة؟
أفضل الأساليب في الكتابة بالنسبالي أنا بحب أكتب بالفُصحىٰ ولكن بطريقة سهلة ومفهومة من غير ما أضيف كلمات شاذة ومش أي حد هايقرأها هايقدر يفهمها، وبحافظ علىٰ إن اللي بكتبه يكون مُفيد مش مُجرد كلمات بتترص جنب بعض وخلاص.
_من الذي دعمك عند أول كتابة لكِ؟
مافيش حد دعمني فـ أول الكتابة ولكن أقدر أقولك إن في شخص كان هو أول حد يدعمني وبسبب دعمه أنا حققت حاجات ماكنتش أتوقع أبدأها وبسببه استمريت فـ الكتابة،
_ما هو الانجاز الذي ستفتخري به عندما تفعليه؟
الإنجاز اللي هاكون فخورة لما أحققه هي روايتي بإذن الله،
_ما هي الصعوبات اللي قابلتك غي مجال الكتابة؟
بالنسبة الصعوبات اللي قابلتني فـ مجال الكتابة هي إن وسط الكتابة كله هرجلة، مسموح الدخول لأي حد سواء بيعرف يكتب أو لا، في أماكن ناس بتتعرف وتعلىٰ لأسباب أخرىٰ ملهاش أي علاقة بالكتابة، ولكن أنا حاولت أتجاهل كل دا واستمر فـ طريقي لوحدي،
_من الذي تعتبريه مثلك الأعلىٰ؟
مثلي الأعلىٰ في الحياة عمومًا هي أمي، أما في الكتابة فـ ماليش أنا بتمنىٰ أكون أفضل نسخة مني يعني مش عاوزة أكون زي حد،
_ما هي خططك في مجال الكتابة فيما بعد؟
خططي في مجال الكتابة إني أسعىٰ أكون شخص مختلف وكلماته لها وقع خاص وتأثير مُختلف في قلوب الناس، وإني أقدر أوصل دا لأكبر عدد من الناس،
_هل شاركتِ في كتب من قبل؟
شاركت قبل كدا فـ كتاب خواطر مُجمعة اسمه “ترياق روح”،
_اتركِ لنا نص من كتاباتك:
دا نَص من كتاباتي:
“أنا اِبنةُ الإسلام، سأكون سببًا في دخولِ ابني الجنَّة، وأنا نِصفُ دينِ زوجي، وإن كنتُ صالحةً فسأكون سببًا في حجب النارِ عن جسدِ أبي، تلك هي المنزلة التي وضعني فيها الإسلام، ذاك هو المقامُ الذي اختاره لي ربي، أنا المرأة التي كرّمها اللهُ في دينها، وجعلها مركزًا في كل مقامٍ لها، أنا من وصّىٰ عليّ نبيي وحبيبي “مُحمد” -عليه أفضل الصلاة والسلام_، أنا من أمر الرجال أن يرفقوا بي، فقد وصّىٰ أبي أن يُكرمني ويُحسن تربيتي، ووصّىٰ زوجي أن يكونَ هينًا لينًا معي، وقال لولدي أمك ثم أمك ثم أمك، فأيُ منزلةِ أعظم من تلك المنزلة، وأيُ حقوقٍ أبحثُ عنها بعد تلك الحقوق، أنا عظيمة لكوني امرأة “مُسلمة”، وهذا يكفي”

١٤إبريل٢٠٢١
_رَبـَـابـْـ’ سَـلِـيـمْ

_هل لديك نصيحة تودِ تركها للمبتدئين في مجال الكتابة؟
أحب أقول للناس اللي لسه بيبدأوا في مجال الكتابة لو فعلًا عندكم موهبة الكتابة نموها ونمو المُعجم اللغوي الخاص بيكم، واكتبوا بالفُصحىٰ لأن هي دي الكتابة، اتعلموا كل جديد واتعلموا من أخطائكم هاتوا نصوصكم كل فترة واعملوا لها إعادة تدوير وشوفوا تطورتم إزاي، أما بقى لو مش عندكم موهبة الكتابة تقبلوا دا بصدر رحب وشوفوا موهبة تانية وحاجة تانية تكونوا أحسن فيها،
وفي النهاية سُررت جدًا بحواري معكم.
سررت بذلك الحوار جدًا.
الصحفية/ فرحة طه “شيذله”
المؤسسة/ آلاء محمد “همس”